Ein flaska af Macallan 1926 seldist nýverið á uppboði Sotheby's fyrir 2,1 milljón punda. Það er á fjórða hundrað milljóna króna. Aðeins ein viskíflaska hefur selst dýrar í pundum talið. Sú var systurflaska úr sömu tunnu, með miða eftir ítalska málarann Valerio Adami, og seldist fyrir örlítið meira árið 2023. Mynd: Sotheby's. Tunna sem enginn tók eftir Tunna númer 263 var fyllt á Macallan-setrinu í Speyside árið 1926. Hún var spænsk eikartunna sem áður hafði geymt sérrí, og enginn taldi hana sérstaka. Næstu sextíu árin dökknaði viskíið hægt og drakk í sig eikina. Drjúgur hluti þess gufaði upp, eða fór í hlut englanna eins og Skotar orða það. Þegar gömlu vöruhúsin voru tekin út á níunda áratugnum kom í ljós hvað þarna hafði orðið til. Átappað var árið 1986, og innihald tunnunnar dugði aðeins í fjörutíu flöskur. Brugghúsið setti þær ekki í almenna sölu heldur fékk listamenn til að hanna miða á 25 þeirra. Popplistamaðurinn Peter Blake hannaði tólf og Adami aðrar tólf, en ein þeirra er sögð hafa brotnað í jarðskjálfta í Japan. Írski listamaðurinn Michael Dillon handmálaði eina. Hinar fjórtán fóru í Fine & Rare-röðina, og flaskan sem nú seldist var ein þeirra. Uppboðið var haldið á sjálfu Macallan-setrinu í tilefni af aldarafmæli árgangsins. Að sögn Sotheby's er þetta í fyrsta sinn sem uppboð er haldið í skosku brugghúsi. Fimmtíu söfnurum var boðið og fleiri buðu í gegnum netið. Á meðan á Íslandi Árið 1926 hefði íslenskur safnari ekki getað keypt viskí, ekki einu sinni ódýrt. Hér hafði áfengisbann gilt frá 1915. Árið 1922 hótuðu Spánverjar að leggja tolla á íslenskan saltfisk nema Íslendingar keyptu af þeim vín. Spánarvínin voru því leyfð og Áfengisverslun ríkisins stofnuð af forfeðrum Sivjar Friðleifsdóttur til að selja þau. Íslendingur árið 1926 gat því löglega keypt spænskt rauðvín. Skoskt maltviskí fékkst hins vegar aðeins hjá smyglurum eða gegn lyfseðli. Sterkt áfengi var ekki leyft fyrr en 1935 og bjór ekki fyrr en 1989. Fyrsta formlega útvarpssendingin hér á landi fór fram í Loftskeytastöðinni í Reykjavík 18. mars 1926. Stöðin hét H.F. Útvarp og Ottó B. Arnar kom henni á fót. Þetta er skemmtileg hliðstæða, því John Logie Baird sýndi sjónvarp opinberlega í fyrsta sinn sama ár. Bretar fengu sjónvarp og Íslendingar útvarp en ekki viskí. Tunna 263 þurfti sextíu ár til að ná fullum þroska. Íslensk áfengislöggjöf hefur nú fengið hundrað ár og er enn að þroskast en ekki er vitað um neitt dæmi um vitrænan þroska framsóknarmanna á þessu sviði. Macallan í Santé, án þess að veðsetja húsið Fáir munu bjóða í Fine & Rare-flösku. Það er þó hægt að kynnast Macallan-viskíi í Santé fyrir brot af því verði. The Macallan Rare Cask kemur beint frá brugghúsinu. Það er blandað úr sérrítunnum úr evrópskri og amerískri eik og ber engan aldur á miðanum. Tunnurnar eru valdar eftir lit og bragði frekar en árafjölda. Við bjóðum einnig tvær átappanir frá Signatory Vintage, einum virtasta óháða átappara Skotlands. Signatory kaupir heilar tunnur af brugghúsum og tappar þær sjálft. Á miðanum stendur „Speyside“ og þar fyrir aftan (M), til áréttingar um að innihaldið komi frá Macallan. Báðar Signatory-flöskurnar eru á tunnustyrk, eða „Cask Strength“. Það þýðir að engu vatni er bætt út í og viskíið kemur í flöskuna eins og það var í tunnunni. Þannig átappaði Macallan sjálft hér áður fyrr. Signatory Small Batch Edition Speyside 14 ára #20 (Macallan) er fjórtán ára viskí úr litlu tunnuupplagi og prýðilegur inngangur að stíl brugghússins. Signatory Speyside 18 ára (Macallan) Cask Strength er átján ára og hefur fengið fjögur ár í viðbót í eikinni. The Macallan Archival Series — Folio 5 Eitt eftirminnilegasta listaverk seríunnar sem gefið var út árið 2020. Fullkomin flaska fyrir safnarann sem vill eignast táknræna sögu úr safni Macallan á aðgengilegra verði en fyrstu útgáfurnar. The Macallan Archival Series — Folio 3 Söguleg útgáfa frá árinu 2018 þar sem bresk kímnigáfa og skosk viskíhefð mætast. Upphaflega eingöngu fáanleg beint frá eimingarstöðinni í Skotlandi. The Macallan Archival Series — Folio 2 Glæsileg og fágæt söfnunarútgáfa sem kom út árið 2017 í afar takmörkuðu upplagi, einungis 2.000 flöskum á heimsvísu. Þessi útgáfa er ein sú eftirsóttasta og verðið eftir því. Þær fást allar í verslun Santé í Skeifunni og í vefversluninni á sante.is.